Málstofa uppeldis- og menntunarfærðiskor við HÍ

Ég sá  áhugaverða auglýsingu um ráðstefnu sem haldin er af BA-nemum við Uppeldis- og menntunarfræðiskor við HÍ. Haldin mánudaginn 19 mars n.k. í sal hjá íslenskri erfðagreiningu og er ókeypis aðgangur. Hefst kl. 12:30 minnir mig

BA-nemar munu kynna verkefni sín og rannsóknir, þetta held ég að sé eitthvað sem fólk ætti að kíkja á.  Viss um að það sé ýmislegt sem þessir krakkar eru að kynna sér svo við hin fáum nýjar og merkilegar uppgötvanir.

Held að barnauppeldi sé ansi mörgum viðkomandi en allt of fáir sem líta svo á að heppilegt sé að ala börn upp á einhvern sérstakan hátt. Ég fór sjálf á eina ráðstefnu hjá Málstofu uppeldisfræðinema og það voru svo mörg áhugverð verkefni í gangi hjá þeim í þessari deild og ég sem hafði haldið að uppeldisfræði væri bara eitthvað leikskólatengt. Var með strákinn minn ungan og óharðnaðan á leikskóla þá og ætlað að soga að mér leikskólasálfræði .... En ég lærði bara allt annað en það, en ekki síður spennandi.

Ég er þess fullviss að 70% foreldra og uppalenda gætu verið að þroska börnin sín mun meira og ala þau mun betur upp en gert er  - Þar hafið þið það !!!!

Alls ekki viss um að það sé neitt svo einfalt að ala börnin sín upp vel. Mér finnst ég ala strákinn minn alveg glimrandi vel upp en svo á foreldrafundi stinur kennarinn og segir ... Já hann sonur þinn og bítur saman vörum.

Gott uppeldi er ekki sjálfgefinn hæfileiki og alveg sama hvað við viljum vera fullkomnir uppalendur - Okkur verður oft á í messunni og gerum hin og þessi hversdagslegu mistök bæði í samskiptum, aga og leiðsögn.

Á þessum vandkvæðum eru engar skyndilausnir því mannlegur máttur okkar bregst okkur svo oft og eins og við flest vitum er auðvelt að láta foreldravaldið stjórna ... Það er svo gjarnan þannig að valdabeitingin stjórnar gerðum okkar.

Börn eru einstaklingar sem hafa okkur foreldra og fullorðna sem fyrirmyndir. Það er því undir okkur komið að leiðbeina þeim inn í framtíðina og efla þau og þroska sem einstaklinga á sem bestan hátt við getum. Við erum ábyrg fyrir komandi kynslóð og því hvernig þjóðfélag sú kynslóð byggir upp.

 Annað þá sat ég í hádeginu á svo ansi merkilegum fyrirlestri í félagsvísindadeild HÍ. Börn kerfisins heitir erindið og eftir miklar fjölmiðlaumræður um málefni barna kerfisins þá þótti mér áhugavert að komið var inn á fræðilegu hliðina á þessu málefni. Einnig var sláandi frásögn konu sem rannsakar reynslusögu sína í MA-námi við HÍ.

Þetta var fyrsti fyrirlestur af tveimur og verða hinir haldnir í Árnagarði st. 301 næstu tvo miðvikudag milli 12-13